مفاجأة فنية.. كانت ستغنيها شيرين عبد الوهاب! أحمد زعيم يواصل نجاحه ويطرح “مابكدبش” بتقنية الـ AI
أطلق المطرب والملحن أحمد زعيم أحدث أغنياته الرومانسية بعنوان “مابكدبش”، في عمل غنائي يجمع بين الإحساس الصادق والرؤية الفنية الحديثة، إذ تم تنفيذها وإخراجها بتقنية الذكاء الاصطناعي (AI)، تحت إدارة المخرج محمد شحاتة.
الأغنية من كلمات الشاعر محمد عاطف، وألحان وإنتاج أحمد زعيم، وتوزيع وميكس وماستر عمرو الخضري، وتُعد خطوة جديدة في مسيرة زعيم نحو تثبيت مكانته كأحد أبرز الأصوات الغنائية الحديثة في الساحة الفنية.
“الأغنية دي محدش هيغنيها غيري”.. شيرين عبد الوهاب كادت تغني “مابكدبش”
كشف أحمد زعيم عن كواليس مثيرة خلف الأغنية، قائلًا:
“الأغنية دي ليها معزة خاصة جدًا عندي، كتبها الشاعر محمد عاطف بإحساس حقيقي جدًا، ولما لحّنتها كنت شايف إن صوت الفنانة شيرين عبد الوهاب هو الأنسب ليها، خصوصًا بعد تعاوننا قبل كده في أغنيتي هو ده وابتسمت”.
ويضيف زعيم:
“فعلاً شيرين سمعت الأغنية وأعجبت بيها جدًا، وقالتلي: الأغنية دي محدش هيغنيها غيري!، لكنها بعد فترة طويلة فضلت زي ما هي، من غير خطوات تنفيذية، وكنت بحلم بيها وبسمعها كل يوم”.
من الحلم إلى الحقيقة.. قصة حب بدأت في المنام
ويتحدث زعيم عن الجانب الإنساني وراء كلمات “مابكدبش”، موضحًا أن الجملة التي خطفته كانت: “حلمت أنا بيك”.
ويقول:
“الغريب إن الجملة دي كانت شبه واقعية جدًا بالنسبالي، لأني فعلاً شُفت في حلمي زوجتي قبل ما أعرفها، وبعد كده القدر جمعنا واتجوزنا، وكنت حاسس إن ده نصيب مكتوب”.
ويكمل:
“قابلت الشاعر محمد عاطف وقلتله نفسي أغنيها بنفسي، وطلبت منه يتكلم مع شيرين ويوضحلها حبي وارتباطي بالأغنية، وفعلاً اتصل بيها وأقنعها، ورحبت جدًا ووافقت. ومن هنا بدأت تنفيذ الأغنية اللي بتعتبرها جزء مني”.
نجاح متواصل وجوائز جديدة
إلى جانب “مابكدبش”، يعيش أحمد زعيم فترة من النجاحات الفنية المتتابعة، بعد حصوله مؤخرًا على جائزة أفضل مطرب شاب لعام 2025 في مهرجان دير جيست، عن أغنية “حب تاني”، التي كتبها محمد يونس ولحنها زعيم بنفسه، ووزعها موسيقيًا أحمد عبد السلام، وأخرجها أحمد علاء الجندي.
يقول زعيم عن الجائزة:
“دي كانت من أكتر اللحظات اللي فرحتني، لأني تعبت جدًا في تنفيذ الأغنية، ومعايا مدير أعمالي هاني صارو وكل الفريق اللي لسه بنشتغل سوا بنفس الحماس والروح”.
كما أعرب عن سعادته بنجاح أغنيته الأخرى “هدّ حيل”، كلمات محمد يونس، وألحان أحمد زعيم، وتوزيع أحمد المغربي، وميكس وماستر ماهر صلاح، وإخراج عمر أيمن.
أعمال قادمة مع نجوم الصف الأول
كشف زعيم عن تفاصيل مشاريعه المقبلة، قائلًا:
“الفترة الجاية إن شاء الله هتلاقوني في تعاونات مع فنانين كبار زي إليسا، وهاني شاكر، ورحمة رياض، ووائل جسار، وغيرهم.. ومش هغيب تاني عن جمهوري، لأن فيه كمان أعمال درامية لأفلام ومسلسلات بصوتي قريب جدًا”.
كلمات أغنية “مابكدبش”
مابكدبش أمَّا بفضل أقول
حلمت أنا بيك سنين ياما
أنا في أحضان عيونك دول
من الدنيا دي بتحامى
بدأت أتأكد إن حياتي من غيرك ولا تتعاش
دي فرحة قلبي مالقيتهاش إلا معاك
ماكنتش أعرف إن الحب بيعلّي كده الإحساس
نسيت الدنيا دي والناس وأنا وياك
حبيبي إنت ابتسامتك عيد
وهمساتك بموت فيها
غلاوتك كل لحظة تزيد
عن اللحظة اللي قبليها
🎧 الاستماع إلى الأغنية:
