ماليش صاحب مسيحى إلا و طلع جدع
لا عمره باعنى فى يوم ولا عمره خدع
على طول أبن أصول يتاقل بكنوز المال
مهما أسند عليه ألاقيه عمره أبدا ما مال
❤️❤️❤️❤️❤️❤️فى العيش و الملح ألاقيه دايما يصون
لا يعرف يلاوع ولا يخادع ولا يخون
صاحب صاحبه فى كل الأوقات
جدع دايما فى كل الحالات
❣️❣️❣️❣️❣️❣️❣️ماليش صاحب مسيحى و طلع ندل معايا
شهامته يتكتب عليها ألف و مليون حكاية
فى المعاملة مش مجاملة يتعاشر و يتحب
من طيبته و محبته بيحب من جوة القلب
❤️🩹❤️🩹❤️🩹❤️🩹فى الجدعنة أسألنى أنا و أحكيلك عليه
مهما تلف و تدور متلاقيش أبدا زييه
لو صاحبته أو عرفته أو عاشرته
هتفضل دايما تحلف بسيرته
