يحكى الفنان احمد رمزى موقف طريف عن علاقته بالفنانة هند رستم ويقول فى احد الحوارات الصحفيه .
- هل مدام هند رستم كانت بالحلاوة والشياكة اللي بنشوفها في الأفلام ؟؟
=يا خبر ، طبعااااا جدا .. ده في فيلم “ابن حميدو” وكان اللي بيخرجه طبعا فطين عبدالوهاب كنا قاعدين كلنا في لوكاندة في السويس مكان ما بنصور وكل ليلة على الساعة 9 كده نتجمع مع بعض انا وفطين وتيجي هند بعد شوية ليدي كده تقعد معانا ونقعد نعاكس فيها طول الليل ، بعد كده الموضوع اتطور وابتديت انا وفطين نشد مع بعض ونغل من بعض واحنا بنعاكس هند ، المنتج لاحظ الحكاية دي فعمل اللي خلانا نتأدب بقية تصوير الفيلم
-عمل ايه ؟!
=نزل القاهرة جاب مراتي وجاب ليلى مراد مرات فطين ورجع عشان نقعد بأدبنا
-واتأدبتوا ؟؟
=اتأدبنا 😂